Рафти дарсҳои таълимӣ дар курсҳои такмили ихтисос.

Барои дар амал табиқ намудани дастуру супоришҳои Вазири корҳои дохилии Ҷумҳурии Тоҷикистон, доктори илмҳои ҳуқуқ, генерал-полковники милитсия Раҳимзода Р.Ҳ., аз 24 апрели соли 2022 дар Академия ВКД Ҷумҳурии Тоҷикистон дар самти амалияи маъмурӣ курси кӯтоҳмуддати омӯзишӣ бо нозирон ва сарнозирони раёсати ҳифзи тартиботи ҷамъиятии ВКД Ҷумҳурии Тоҷикистон, аз шаҳру ноҳияҳо ба дарс фаро гирифта шудаанд.
Мутобиқи ҷадвали дарсии тасдиқ намудаи сардори Академияи ВКД Ҷумҳурии Тоҷикистон, номзади илмҳои ҳуқуқ, генерал-майори милитсия Шарифзода Ф.Р.,аз ҷониби сардори Шуъбаи роҳбарии нозирони минтақавии милитсия, полковники милитсия Холмуродзода Дилшод Холмуров ва нозири калони Шуъбаи роҳбарии нозирони минтақавии милитсия, подполковники милитсия Раҷабов Ҳамзалӣ Исматович дар мавзӯи «Оғози парвандаи ҳуқуқвайронкунии маъмурӣ ва ба расмия даровардани мурофиаи ҳуқуқвайронкунии маъмурӣ» дар сатҳи баланди касбӣ машғулиятҳо гузаронида шуданд.Инчунин аз ҷониби сардори Раёсати таҳқиқ, полковники милитсия Сафарзода Эмомалӣ Сафар дар мавзӯи «Далелҳо ва исботкунӣ оид ба парвандаи ҳуқувайронкунии маъмурӣ» ва муовини сардори раёсати таҳқиқ, полковники милитсия Шарифзода Хушбахт дар мавзӯи «Асосҳои оғози расмиёти маъмурӣ аз рӯи аризаи маъмурӣ ва тартиби баррасии он» дар сатҳи баланди касбӣ машғулиятҳо гузаронида шуданд.
Убайдуллоев Ш.Э., Сафарзода С.Н.