Чорабинии иттилоотӣ- тарғиботӣ бахшида ба рӯзи ҷавонони Тоҷикистон

Санаи 21-уми майи соли равон бо ташаббуси роҳбарияти Академияи ВКД Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба ифтихори 23 май - рӯзи ҷавонони Тоҷикистон чорабинии иттилоотӣ- тарғиботӣ баргузор гардид.

Дар чорабинии мазкур Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ иштирок ва суханронӣ намуданд.
Роҳбарият, кормандони Кумитаи ҷавонон ва варзиш ва як қатор ҷавонону наврасони мактаби таҳсилоти миёнаи умумии №63 ноҳияи Шоҳмансури ш.Душанбе, аз наздик бо шароити таҳсилу хизмати курсантон шинос шуда, дар бораи аҳамияти ҷавонон барои ояндаи неку созанда сӯҳбатҳои муфид доир намуданд.
Инчунин як қатор ҷавонони фаъоли Академия барои саҳм гузоштан дар тарбияи ҳарбӣ-ватандӯстии курсантон аз ҷониби Кумитаи кор бо ҷавонон ва варзиш бо Сипоснома ва тӯҳфаҳои хотиравӣ бахшида ба - рӯзи ҷавонони тоҷикистон сарфароз гардонида шуданд.

Сафарзода С.Н., Убайдуллоев Ш.