Ташрифи меҳмонони ӯзбекистонӣ ба Академияи ВКД

Дар доираи муносибати дуҷонибаи дӯстӣ ва ҳамгироии Вазорати корҳои дохилии Ҷумҳурии Тоҷикистон бо Вазорати корҳои дохилии Ҷумҳурии Ӯзбекистон 4-уми феврали соли равон, ҳайати Сарраёсати кофтукови ҷиноятӣ ва Сараёсати мубориза зидди ҷиноятҳои мутташакили Вазорати корҳои дохилии Ҷумҳурии Ӯзбекистон ба Академияи ВКД ташриф оварданд.

Чун анъана аз рӯи сунати меҳмоннавозии тоҷикона меҳмононро муовини сардори Академияи ВКД Ҷумҳурии Тоҷикистон, полковники милитсия Насуриён Пулод, қаровули фахрӣ ва сардорони ҷузъу томҳои Академия гарму самимона пешвоз гирифтанд.

Меҳмонони олиқадр бо роҳбарони ҷузъу томҳои Академияи ВКД оид ба корҳои илмӣ-таълимӣ мулоқот намуда, сипас бо инфрасохтори Академияи ВКД шиносоӣ пайдо намуда, изҳор намуданд, ки Пешвои миллати тоҷик муҳтарам Эмомалӣ Раҳмон ва ВКД Ҷумҳурии Тоҷикистон дар ҳақиқат бо санъати баланди меъморӣ барои таълиму тарбия барои курсантону омȳзгорон шароити замонавӣ муҳайё намудаанд.
Сафарова С.Н., Убайдуллоев Ш.