Ғолибияти навбатӣ дар озмун аз фанни ФОҶ

Курсанти курси 5-уми факултети №2-и Академияи ВКД Ҷумҳурии Тоҷикистон Муҳаммадрофеи Авазхон соли 2017 мактаби таҳсилоти миёнаи умумии рақами 25-и ҷамоати деҳоти Лоҳутии ноҳияи Ховалингро хатм намуда, ҳамон сол баъди бомуваффақият супоридани имтиҳонҳо ба Академияи ВКД дохил мешавад.

Муҳаммадрофеи Авазхон дар баробари бо баҳои аъло таҳсил намудан дар корҳои чамъиятии Академия фаъолона ширкат меварзад. Инак, ӯ ғолиби ҷойи аввал дар озмун аз фанни Фаъолияти оперативӣ-ҷустуҷӯӣ дар факултети №2 гардид.
Ин маротибаи дуюм аст, ки Муҳаммадрофеи Авазхон ғолиби озмунҳо мегардад. Инчунин ӯ дар озмуни телевизионии "Интелект-Шоу"-и ҷумҳуриявӣ дар соли 2021 сазовори низ ҷойи аввал гардидааст.
Роҳбарияти Академияи ВКД Муҳаммадрофеи Авазхонро ба ғолибияти навбатӣ табрику муборакбод намуда, ба ӯ комёбиҳои нав ба нави илмӣ-эҷодӣ орзуманд мебошад.
Асламов Б.С., Сафарова С.