Ғолибияти дастаи Академияи ВКД дар «Ҷоми Осиё»

Рӯзҳои 23-26-уми ноябри соли 2021 дар пойтахти Ҷумҳурии бародарии Ӯзбекистон шаҳри Тошканд мусобиқаи байналмилалии «Ҷоми Осиё» аз рӯи намуди ММА ва кикбоксинг байни кишварҳои Осиёи Марказӣ ва Таиланд баргузор гардид. Дар он курсантони курси якуми факултети №2 Академияи ВКД милитсияҳои қаторӣ Нурзода С., Рахимов Ш. соҳиби ҷойи аввал ва медали тилло, Холмуродзода Б.Ю., Салимов Р. соҳиби ҷойи дуюм ва медали нуқра, Абдуалимов Ш., Ғиёсзода М. соҳиби ҷойи сеюм ва медали биринҷӣ гаштанд.

Роҳбари даста майори милитсия Назарзода М. бо ҷоизаи «Ҷоми Осиё» аз тарафи Федератсияи муҳорибаҳои омехта мушарраф гардид.
Роҳбарияти Академия тамоми ғолибонро самимона табрик намуда, дар боло бурдани Парчами давлатии Тоҷикистон дар мусобиқаи байналмилалии «Ҷоми Осиё» изҳори сипоси бепоён менамояд.
Асламов Б.С., Сафарова С.Н.