Вохӯрӣ бо таълимгирандагони синфҳои болоӣ аз ҳисоби духтарони ноҳияҳои Муъминобод ва Балҷувон

22-25-уми ноябр дар ноҳияҳои Муъминобод ва Балҷувони вилояти Хатлон сӯҳбату вохӯриҳо дар асоси иҷрои талаботи Нақша-чорабиниҳо оид ба иҷрои банди 1-уми нақшаи кории якҷояи Вазорати корҳои дохилии Ҷумҳурии Тоҷикистон ва Дафтари САҲА дар шаҳри Душанбе бо таълимгирандагони синфҳои болоӣ аз ҳисоби духтарон, ҷиҳати ҷалби духтарони ноҳияҳои дурдаст ба хизмат дар мақомоти корҳои дохилӣ гурӯҳи корӣ аз ҳисоби омӯзгорони Академияи ВКД, зери роҳбарии Раиси Шӯрои занони ВКД, дотсенти кафедраи ҳифз дар ҳолатҳои фавқулода, полковники милитсия Хушвахтзода Бибихол ташкил ва гузаронида шуд.

Гурӯҳи корӣ сӯҳбату вохӯриҳоро дар ноҳияҳои Муъминобод ва Балҷувони вилояти Хатлон миёни хатмкунандагони Муассисаҳои таҳсилоти миёнаи умумӣ баргузор намуда, аз чунин таваҷҷуҳи пайваста ва имтиёзҳои пешниҳоднамудаи Пешвои муаззами миллат муҳтарам Эмомалӣ Раҳмон, ҷиҳати ҷалби духтарони кӯҳистон барои таҳсил дар Муассисаҳои олии таълимӣ ибрози назар намуданд.
Албатта, мақсад аз ташкил намудани гурӯҳи корӣ, ҷалби духтарони кӯҳистон, алалхусус минтақа ва ноҳияҳои дурдаст барои омӯзиш дар Муассисаҳои таълимии Вазорати корҳои дохилӣ, аз ҷумла Академияи ВКД мебошад.

Хушвахтзода Бибихол Ғафур,
Раиси Шӯрои занони ВКД Ҷумҳуриии Тоҷикистон, полковники милитсия