Варзиш - гарави саломатӣ

Варзиш - гарави саломатӣ ва саломатии миллат, шарти муҳимтарини бақои имрӯзу фардои давлат мебошад. Машғул шудан ба варзиш инсонро ҳамеша солиму бардам ва руҳан қавӣ мегардонад. Бинобар ин бо дастуру супоришҳои роҳбарияти Вазорати корҳои дохилӣ ва Академия Вазорати корҳои дохилӣ дар Академияи ВКД, пайваста чорабиниҳои варзишӣ ташкил ва гузаронида мешаванд.
Тибқи дастуру супоришҳои Вазири корҳои дохилӣ генерал-полковники милитсия Раҳимзода Рамазон Ҳамро ва сардори Академияи ВКД, генерал-майори милитсия Шарифзода Файзалӣ Раҳмоналӣ бахшида ба Рӯзи Президенти Ҷумҳурии Тоҷикистон, рӯзи 13 ноябри соли равон дави дастаҷаъмона бо кормандони ҷавони Академия то рутбаи майор аз деҳаи Лигжаки дараи Ромит то машқгоҳи ВКД гузаронида шуд.