Хатми курси меҳмондорӣ дар Академияи ВКД

Дар доираи солҳои рушди сайёҳӣ, деҳот ва ҳунарҳои мардумӣ бо ибтикори сардори Академияи ВКД, н.и.ҳ., дотсент, генерал-майори милитсия Шарифзода Ф.Р. ва муовини сардори Академия оиди кор бо ҳайати шахсӣ, полковники милитсия Собирзода А.Ҷ. курсҳои меҳмондорӣ ва дастархондорӣ баргузор гардид, ки дар он духтарону бонувони Академия муддати як моҳ дар заминаи Академияи ВКД фаъолона таҳсил намуданд.
Ба онҳо омӯзгорон аз Донишкадаи сайёҳӣ, соҳибкорӣ ва хизмати Тоҷикистон нозукиҳои меҳмондорӣ ва дастархондориро омӯзониданд.
Рӯзи 9-уми июни соли ҷорӣ дар вазъияти тантанавӣ ба духтарону бонувони Академия аз ҷониби муовини сардори Академия оид ба илм, н.и.ҳ., дотсент, полковники милитсия Саидзода З.А., Сертификати хатми курсҳои мазкур супорида шуданд.
Асламов Б.С., Убайдуллоев Ш.Э.