Нашри Дастури таълимӣ-методии «Геополитика ва амнияти иттилоотӣ»

Дар Академияи ВКД Ҷумҳурии Тоҷикистон бахшида ба истиқболи сазовори 30-солагии Истиқлолияти давлатии Ҷумҳурии Тоҷикистон ва 30-солагии таъсисёбии Академияи ВКД аз ҷониби омӯзгорон Асламов Б.С., Рустамзода З.Р. зери номи «Геополитика ва амнияти иттилоотӣ» (дастури таълимӣ-методӣ) таҳти назари сардори Академияи ВКД, н.и.ҳ., дотсент, генерал-майори милитсия Шарифода Ф.Р. ба нашр расид.
Дастури таълимӣ - методии мазкур мазмун ва моҳияти равандҳои геополитикӣ ва амнияти иттилоотиро вобаста ба манфиатҳои миллии Ҷумҳурии Тоҷикистон дар бар мегирад. Муқарризони дастур: Имомёрбеков А. - номзади илмҳои таърих, дотсенти кафедраи идоракунӣ ва худидоракунии Академияи идоракунии давлатии назди Президенти Ҷумҳурии Тоҷикистон, генерал-майори милитсия; Маҳмадов С.А. - номзади илмҳои сиёсӣ, дотсент, сардори кафедраи фанҳои ҷамъиятии факултети №2 Академияи Вазорати корҳои дохилии Ҷумҳурии Тоҷикистон, подполковники милитсия буда, Қосимов Ф.М. – н.и.ҳ., сардори кафедраи ташкили идоракунии фаъолияти ҳифзи ҳуқуқи факултети №1 Академияи Вазорати корҳои дохилии Ҷумҳурии Тоҷикистон, полковники милитсия дастурро таҳир намудааст.
Муқаддимаи дастур аз ҷониби Самиев Н.М. - сардори шуъбаи адъюнктураи Академияи ВКД Ҷумҳурии Тоҷикисон, н.и.ҳ., полковники милитсия навишта шудааст.
Дастури мазкур, барои аз худ намудани равандҳои геополитикии минтақа ва таъмини амнияти иттилоотии Ҷумҳурии Тоҷикистон мусоидат намуда, барои омӯзиш ва баланд бардоштани маърифати омӯзгорон, унвонҷӯён, курсантон, шунавандагон ва кормандони дастгоҳҳои оперативии мақомоти корҳои дохилӣ барои истифодаи хизматӣ судманд хоҳад буд.

Шуъбаи адъюнктураи Акдемияи ВКД