Вохӯрии сардори Академияи ВКД бо волидайни курсантон

Дар доираи тадбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», Қонуни Ҷумҳурии Тоҷикистон «Дар бораи таҳсилоти олии касбӣ», Оинномаи Академияи ВКД, дастуру супоришҳои Вазири корҳои дохлилӣ вохӯрии навбатии роҳбарияти Академияи ВКД бо волидайни курсантон оид ба таълиму тарбия, робитаи волидайн бо Академия баргузор гардид.
Масоили марказии вохӯрӣ ин риояи қатъии интизом, истифода набурдани телефонҳои мобилӣ дар раванди таълим, боз ҳам баланд бардоштани сифати таълиму тарбияи курсантон, ҷалби онҳо ба озмунҳои «Фурӯғи субҳи доноӣ» ва «Илм-фурӯғи маърифат» буд.

Волидайн аз иштирок дар вохурӣ қаноатмандӣ намуда, изҳор намуданд, ки дар таълиму тарбияи курсантон дар баробари Академия саҳми назарраси худро хоҳанд гузошт.

Асламов Б.С., Убайдуллоев Ш.Э.