Рафти таҷрибаомӯзии курсантони Академия дар ШВКД - и шаҳру ноҳияҳои вилояти Хатлон

Тибки нақшаи таълимии Академияи ВКД Ҷумҳурии Тоҷикистон ҳамасола пеш аз хатми Академия курсантони курси панҷуми факултетҳои он таҷрибаомӯзии истеҳсолии худро дар ШВКД-и шаҳру ноҳияҳои ҷумҳурӣ мегузаронанд.
Дар асоси талаботи фармоиш, оид ба назорати рафти таҷрибаомӯзии курсантон ва дастуру тавсияҳои сардори Академияи ВКД Ҷумҳурии Тоҷикистон генерал-майори милитсия Шарифзода Ф.Р., аз санаи 16.03.2021 то 19.03.2021 рафти таҷрибаомӯзии курсантони курси панҷуми факултетҳои №2 ва 4 Академияи ВКД Ҷумҳурии Тоҷикистон дар ШВКД-и шаҳру ноҳияҳои Кӯлоб мавриди санҷиш қарор дода шуд.Дар ҳамаи ШВКД-и шаҳру ноҳияҳои болозикршуда, ки курсантон таҷрибаомӯзии истеҳсолии хешро мегузарониданд, масъалаҳои зерин мавриди муҳокима ва баррасӣ қарор дода шуданд:
• Супориши роҳбарияти ВКД ва Академияи ВКД оид ба омодагии хуб барои супоридани имтиҳонҳои хатмкунӣ;
• Риояи талаботи қонуният ва интизоми хизматӣ ҳангоми таҷрибаомӯзӣ;
• Иҷрои софдилонаи уҳдадориҳои курсантӣ ҳангоми таҷрибаомӯзӣ;
• Ҷамъоварии маводҳои намунавии парвандаҳои ҷиноятӣ ва маъмурӣ ва пешниҳоди онҳо ба кафедраҳои тахассусӣ пеш аз ҳимояи таҷрибаомӯзии истеҳсолӣ;
• Масъулияти баланди роҳбарияти ҳар як ШВКД оид ба назорати ҳамарӯзаи рафти таҷрибаомӯзии курсантон.

Роҳбарияти ШВКД дар шаҳру ноҳияҳо қайд намуданд, ки тамоми курсантони таҷрибаомӯз дар асоси фармоишҳои дохили идоравӣ ба самтҳои алоҳидаи фаъолият (тафтишот, оперативӣ ва ҳифзи тартиботи ҷамъиятӣ) тақсим карда шудаанд.Иштироки фаъоли курсантони таҷрибаомӯз дар дарсҳои хизматӣ, тарбияи ҷисмонӣ, ҷалби онҳо ба хизматҳои шабонарӯзӣ, вобаста гардидан ба хатсайрҳои хизмати ҳифзи тартиботи ҷамъиятӣ, ҷамъоварии маводҳои намунавӣ оид ба парвандаҳои ҷиноятӣ ва ҳуқуқвайронкуниҳои маъмурӣ, риояи намудани либоси расмӣ ва муносибати мартабот бо ҳайати шахсӣ гувоҳии баҳои мусбати роҳбарияти ШВКД ба курсантони таҷрибаомӯзи Академия арзёбӣ шуд.

Нуридинзода С., Асламов Б.,Убайдуллоев Ш.