Тамошои дастаҷамъонаи Паёми Пешвои миллат дар факултети №4

Рӯзи 26-уми январи соли 2021, бо иштироки кормандони факултети №4 Академияи ВКД Ҷумҳурии Тоҷикистон тамошои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикстон аз оинаи нилгун ташкил карда шуд, ки ҷабҳаҳои асосии Паём оид ба самти маориф, ҷавонон, варзиш ва сайёҳӣ, иҷтимоӣ ва иқтисодӣ, демография, забономӯзӣ тандурустӣ, масъулияти падару модар дар тарбияи фарзандони ноболиғ ва уҳдадории фарзандони ба балоғат расида оид ба нигоҳубинии насли калонсол, дастгирии қишри ниёзманди ҷомеа, донишҷӯёну аспирантон аз тарафи давлат ба аҳли толор писанд омад. Инчунин дар Паёми имсола қайд карда шуд, ки ҷаҳони муосир ба муаммоҳои глобалӣ ба монанди терроризм ва экстремизм, зиёдшавии гуруҳҳои ифротгароӣ ва шомилшавии ҷавонон ба ин гуруҳҳо рӯ ба рӯ гаштааст, ки ин аз ҳар як корманд ва курсант зиракии сиёсиро талаб менамояд. 

Абдуллозода Ф., муаллими кафедари фанҳои ҷамъиятӣ, лейтенанти калони милитсия