Иштирок дар ҷаласаи Ассотсиатсияи муассисаҳои таълимии ВКД/Политсияи давлатҳои аъзои ИДМ оид ба тайёр намудани ҳайати роҳбарикунандаи мақомоти корҳои дохилӣ дар шакли он-лайн

Рӯзи 22-юми декабри соли 2020 Роҳбари Академияи Вазорати корҳои дохилии Ҷумҳурии Тоҷикистон, номзади илмҳои ҳуқуқ, дотсент, генерал-майори милитсия Шарифзода Ф.Р. дар маҷлиси умумии навбатии аъзои Ассотсиатсияи ташкилотҳои таълимии Вазорати корҳои дохилӣ (полис)-и кишварҳои узви Иттиҳоди Давлатҳои Мустақил оид ба омӯзиши роҳбарияти мақомоти корҳои дохилӣ on-line иштирок кард.

Бояд қайд кард, ки мақсади асосии Ассотсиатсияи мазкур ин мубодилаи таҷрибаи пешқадам дар соҳаи тайёр намудани кадрҳои роҳбарикунанда бо мақсади баланд бардоштани сатҳи касбии кормандони роҳбарикунанда, азхудкунии дониши муосири идоракунӣ, малакаи амалӣ ва салоҳиятҳои нав дар соҳаи идоракунӣ мебошад.
Дар вохӯрӣ инчунин роҳбарони муассисаҳои таҳсилоти олии ВКД / Полис аз Академияи идоракунии ВКД Россия, Комплекси таълимии Ҷумҳурии Арманистон, Академияи ВКД Ҷумҳурии Беларус, Донишкадаи ВКД Ҷумҳурии Беларус дар ш.Могилев, Академияи ВКД Ҷумҳурии Қазоқистон ба номи М.Есбулатови ш.Алмаато, Академияи ВКД Ҷумҳурии Тоҷикистон ба номи Б.Биекенови ш.Караганда, Академияи ВКД Ҷумҳурии Қирғизистон ба номи генерал-майори милитсия Е.А. Алиев.
Рӯзномаи маҷлис аз масъалаҳои зерин иборат буд:
1. Муаррифии лоиҳаи Низомнома дар бораи Лабораторияи байналмилалии илмии таҳқиқотҳои иҷтимоӣ-ҳуқуқӣ.
2. Муҳокимаи пешниҳодҳои Академияи ВКД Ҷумҳурии Қирғизистон оид ба ворид намудани тағйирот ба лоиҳаи Низомномаи Ассотсиатсия.
3. Муҳокимаи масъалаҳои мубодилаи иттилоотии илмӣ, нашрияҳо ва дигар маводи илмӣ.
4. Масъалаҳои ташкилӣ.
Дар баромади худ сардори Академияи ВКД Тоҷикистон Ф.Р.Шарифзода таъкид кард, ки муассисаҳои таҳсилоти олии ВКД/Политсия дар ҳалли масъалаҳои мубрами мубориза бо ҷинояткорӣ нақши муҳим доранд, бинобар ин, барои беҳтар намудани ҳамкорӣ дар ин самт якчанд тадбир оид ба мукаммал намудани ҳамкориҳои минбаъда пешниҳод намуд. Ин пешниҳодҳо ба назар гирифта шуданд.
Пас аз муҳокима ва тасдиқи масъалаҳои рӯзнома ҷаласа кори худро ба анҷом расонид.
Шуъбаи ташкилӣ-илмӣ ва табъу нашр