Ташрифи шунавандагон ба Театри давлатии академӣ-драмавии ба номи А.Лоҳутӣ

Дар Академияи ВКД дар баробари ба курсантон ва шунавандагон омӯзонидани барномаи таълимӣ анъанае роиҷ аст, ки зимни ҳар давраи хониш ба тамошои осорхона, сайругашти мавзеъҳои таърихӣ, боғу гулгаштҳои навбунёд ё иншоотҳои дар замони истиқлолият бунёдгардида ҷалб намуда, ҷаҳонбинӣ ва маърифати фарҳангии онҳоро баланд мебардоранд.
Бо дастуру супориши сардори Академияи ВКД Чумҳурии Тоҷикистон, номзади илмҳои ҳуқуқшиносӣ, генерал-майори милитсия Шарифзода Файзалӣ Раҳмоналӣ, санаи 7-уми декабри соли ҷорӣ шунавандагони факултети №3 ва ҳайати профессорону омӯзгорони Академияи ВКД бо роҳбарии сардори факултети №3 номзади илмҳои ҳуқуқ, майори милитсия Амрудинзода М. А. ба Театри давлатии академӣ-драмавии ба номи А.Лоҳутӣ рафта, мазҳакаи «Макри зан ҷуволи арзан» - и аз руи асари Ғаюр Ашури Растагор, ки онро коргардони ҷавон Абдураҳим Машрабов таҳия намудааст тамошо намуданд.

Намоишномаи театрӣ доғу найрангҳои зиндагиро дар худ таҷассум намуда, мавзӯи нафс ва фиреб ва оқибатҳои ногувори он таҷрибаи талхи ҳаётӣ маҳсуб меёбад, ки дар хислати персонажҳо хело зинда иникос гардид. Ҳунармандони Театри давлатии академӣ-драмавии ба А. Лоҳутӣ образҳои мазҳакаро бо маҳорати баланд, таъсирбахш иҷро намуданд.
Саида Сафарова, Шавкат Убайдуллоев