Робитаи назария бо амалия дар Академияи ВКД

Дар Академияи ВКД Ҷумҳурии Тоҷикистон дар асоси дастури сардори Академия, н.и.ҳ., дотсент, генерал-майори милитсия Шарифзода Ф.Р. барои чуқур аз худ намудани фанҳои таълимӣ робитаи назария бо амалияи мақомоти корҳои дохилӣ ба роҳ монда шудааст.

Дар ҳамин асос бо курсантони курси 4-уми факултети №2 аз ҷониби собиқ сардори шуъбачаи кисми махсуси таълимии маркази Хадамоти кинологии ВКД Ҷумҳурии Тоҷикистон, айни ҳол шунавандаи курси 2-юми факултети №1 подполковники милитсия Музаффарзода Б.З. дар мавзӯи «Одорологияи криминалистӣ» дарси амалӣ гузаронида шуд.
Дарсро курсантон бо мароқи том шунида, ҷиҳатҳои амалии одорологияи криминалистиро аз худ намуданд. Дарси мазкурро дотсенти кафедраи мурофиаи ҷиноятии факултети №2 полковники милитсия Убайдуллоев Ш.Э. ҳамроҳӣ намуд.
Шуъбаи таълими Академия таҳти роҳбарии н.и.ҳ., полковники милитсия Насуриён П.А. тасмим гирифтааст, ки чунин раванди муҳимро дар дигар кафедраҳои Академия низ ба роҳ монанд.
Асламов Б.С., Сафарова С.Н.