Ташкили корҳои фаҳмондадиҳӣ дар байни курсантони факултети №5 доир ба иштирок дар интихоботи Президенти Ҷумҳурии Тоҷикистон

Дар асоси дастуру супоришҳои сардори Академияи ВКД Ҷумҳурии Тоҷикистон, номзади илмҳои ҳуқуқ, дотсент, генерал-майори милитсия Шарифзода Файзалӣ Раҳмоналӣ санаи 15 сентябри соли 2020 дар майдончаи сафороии факултети №5 аз ҷониби сардори факултети №5, майори милитсия Нуруллозода Меҳрулло дар якҷоягӣ бо курраторони гурӯҳҳои таълимӣ дар байни курсантони факултети №5 чорабинии омӯзишӣ доир ба иштирок дар интихоботи Президенти Ҷумҳурии Тоҷикистон ташкил ва гузаронида шуд.
Чорабиниро сардори факултети №5, майори милитсия Нуруллозода Меҳрулло ҳусни оғоз бахшид. Зимни баромади хеш Нуруллозода Меҳрулло қайд кард, ки иштирок дар ҳаёти сиёсии малакат, аз ҷумла дар интихоботи Президенти Ҷумҳурии Тоҷикистон қарзи шаҳрвандии ҳар яки мост. Баъдан номбурда аз санадҳои меъёрии ҳуқуқии танзимкунандаи раванди интихоботи Президент дар Тоҷикистон ёдовар шуд.

Ҳамчунин ба самъи курсантон Қарори комиссияи марказии интихоботии Ҷумҳурии Тоҷикистон “Дар бораи тасдиқи Тартиби дар интихоботи Президенти Ҷумҳурии Тоҷикистон иштирок намудани намояндагони субъектоне, ки ба мансаби Президенти Ҷумҳурии Тоҷикистон номзад пешбарӣ кардаанд” расонида шуд. Бояд қайд намуд, ки ташкили чунин чорабиниҳо барои баланд бардоштани маърифати ҳуқуқии курсантон мусоидат менамояд.
Ҳабибзода Ҳ.Т., муаллими кафедраи ҳифз дар ҳолатҳои фавқулода, лейтенанти калони милитсия