Иштироки курсантон дар марафони велосипедронӣ ва дави Наврӯзӣ

Рӯзи 14-уми марти соли 2020 дар қаламрави Ҷумҳурии Тоҷикистон бахшида ба Наврӯзи байналмилалӣ марафони велосипедронӣ ва дави Наврӯзӣ баргузор гардид.
Дар ин чорабиниҳои варзишӣ аз тамоми табақаҳои ҷомеа иштирок намуданд. Боиси хушнудист, ки имрӯз дар ҳама гуна намуди чорабиниҳои варзишӣ намояндагони Вазорати корҳои дохилӣ иштирок намуда, соҳиби ҷойҳои намоён мегарданд.
Боиси ифтихор ва сарфарозист, ки дар дави Наврӯзӣ курсантони муассисаи мо иштирок намуданд ва ба онҳо муяссар гардид, ки курсанти курси 2 Қаландаров Тоҳир соҳиби мақоми аввал ва курсанти курси 2 Алидодов Наҷмиддин соҳиби мақоми дуюм гарданд, ки ин ифтихори муассиса маҳсуб меёбад.

Сардори курси воҳиди таълимии низомии Коллеҷи милитсия, капитани милитсия Фаридуни Тоҳирҷон, Ҷамшеди Ҷаҳонгирзод.