Ташрифи меҳмонон аз Ҷумҳурии Ӯзбекистон

Дар доираи муносибати дуҷонибаи дӯстӣ ва ҳамгироии Вазорати корҳои дохилии Ҷумҳурии Тоҷикистон бо Вазорати корҳои дохилии Ҷумҳурии Ӯзбекистон рӯзи 29-уми январи соли ҷорӣ кормандони Вазорати корҳои дохилии Ҷумҳурии Узбекистон, подполковники милитсия Жамолов Отабек Атоевич, полковники милитсия Ахмедов Сайфулло Негматович, подполковники милитсия Убайдуллоев Азиз Убайдуллоевич, подполковники милитсия Тилябаев Жамшид Абдухалилович, подполковники милитсия Талипов Махмуд Шухратович, подполковники милитсия Мирзаев Мухаммад Турсунпулатович бо сафари корӣ ба Академияи ВКД Ҷумҳурии Тоҷикистон ташриф оварданд.

Чун анъана аз рӯи сунати меҳмоннавозии тоҷикона меҳмононро муовини сардори Академияи ВКД Ҷумҳурии Тоҷикистон, н.и.ҳ., полковники милитсия Саидзода Зикрулло Алӣ ва сардорони ҷузъу томҳои Академия пешвоз гирифтанд.
Меҳмонон бо роҳбарони ҷузъу томҳои Академияи ВКД оид ба корҳои илмӣ-таълимӣ мулоқот намуда, сипас бо инфрасохтори нави Академияи ВКД шиносоӣ пайдо намуда, ба баъзе синфхонаҳо, аз ҷумла, синфхонаҳои махсуси факултети № 6, ҳолатҳои фавқулоддаи факултети № 5, техникаи махсус, китобхонаи электронии шуъбаи илм, тири электронӣ, студияи телевизионии «Наврӯз» ва ғайра ташриф оварда, изҳор намуданд, ки роҳбарияти давлат ва ВКД Ҷумҳурии Тоҷикистон дар ҳақиқат бо санъати баланди меъморӣ барои таълиму тарбия барои курсантону омȳзгорон шароити замонавӣ муҳайё намудаанд.

Сафарзода С., Убайдуллоев Ш.