Дарси намунавии сардори Академияи ВКД дар курсҳои такмили ихтисос

Дар асоси дастуру супоришҳои Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Хамро дар заминаи кафедраи такмили ихтисоси факултети №3 Академияи ВКД Ҷумҳурии Тоҷикистон аз санаи 23-юми декабри соли 2019 то 23-юми январи соли 2020 курсҳои такмили ихтисоси кормандони қисмҳои навбатдории ҷузъу томҳои ВКД Ҷумҳурии Тоҷикистон сафарбар карда шуданд.
Ба курси мазкур 30 нафар шунавандагон ба дарсҳои назариявӣ ва амалӣ фаро гирифта шудаанд. Санаи 8-уми январи соли 2020 аз ҷониби сардори Академияи ВКД, н.и.ҳ., дотсент, генерал-майори милитсия Шарифзода Файзалӣ Раҳмоналӣ дарси намунавӣ дар мавзӯи «Чорабиниҳои оперативӣ-ҷустуҷӯӣ. Чорабиниҳои махсус» гузаронида шуд.

Шунавандагони курсҳои такмили ихтисос бо руҳияи баланд аз роҳбарият ва ҳайати профессорону омӯзгорони Академияи ВКД барои ташкили чунин курсҳои муфид изҳори миннатдорӣ намуданд.
Б.АСЛАМОВ, Ш.УБАЙДУЛЛОЕВ, С.САФАРОВА