Табрикоти Вазири корҳои дохилӣ ба иштирокчии ҶБВ Голиков Н.П.

Дар арафаи Соли Нави мелодӣ бо супориши Вазири корҳои дохилии Ҷумҳурии Тоҷикистон, генерал-полковники милитсия Раҳимзода Рамазон Ҳамро, раиси Созмони собиқадорони ВКД генерал-майори мустаъфӣ Ҷурахонзода С.Қ., сардори Академияи ВКД генерал-майори милитсия Шарифзода Файзалӣ Раҳмоналӣ, раиси Шӯрои собиқадорони Академияи ВКД, полковники мустаъфӣ Ғуломов М.Ғ., кормандони Раёсати кадрҳо ва кор бо ҳайати шахсии ВКД ва Маркази матбуоти Академия ба аёдати собиқадори ҶБВ Голиков Николай Петрович ташриф оварданд.
Боиси хурсандист, ки Голиков Н.П. синни мубораки 100 солагиро пурра намуд. Аз номи Вазири корҳои дохилӣ собиқадори ҶБВ-ро раиси Созмони собиқадорон ва сардори Академияи ВКД самимона табрик намуда, туҳфаҳои идонаро ба ӯ супориданд.
Дар навбати худ Голиков Н.П. бо руҳи болида ва қаноъатмандии том изҳори миннатдории худро ба Пешвои муаззами миллат муҳтарам Эмомалӣ Раҳмон ва Вазири корҳои дохилӣ расонид, ки мунтазам барои собиқадорони ВКД, махсусан иштирокчиёни ҶБВ ғамҳориҳои хос зоҳир менамоянд.

Дар вохӯрии мазкур иштирокчиёни он бори дигар Голиков Николай Петровичро ба муносибати 100-солагиаш, ҳамчунин фарорасии Соли Нави мелодӣ самимона табрик гуфта, ба ӯ саломатии комил ва умри дарози бобаракат таманно намуданд.
Асламов Б., Сафарова С., Убайдуллоев Ш.