Ҳимояи бомуваффақияти рисолаи номзадӣ

Рӯзи 23-юми декабри соли 2019 дар ҷаласаи Шӯрои диссертатсионии Донишгоҳи ВКД Россия дар шаҳри Санкт-Петербург адъюнкти Донишгоҳи мазкур, омӯзгори кафедраи ҳуқуқи ҷиноятӣ, криминология ва психологияи факултети №2 Академияи ВКД, капитани милитсия Музафаров Сулаймон Заробидинович зери роҳбарии номзади илмҳои ҳуқуқ, профессор Епифанов Борис Василевич диссертатсия номзадии худро дар мавзӯи «Интситути доғи судӣ дар қонунгузориҳои ҷиноятии Тоҷикистон ва Россия» (Институт судимости по уголовному законодательству Таджикистана и России) (тахассусаш 12.00.08 – ҳуқуқи ҷиноятӣ ва криминология; ҳуқуқи иҷрои ҷазои ҷиноятӣ) ҳимоя намуд. 

Ҳайати шахсии Академияи ВКД аз хушхабари дар арафаи Соли нави мелодӣ гирифтаи худ – ҳимояи номзадии С.З. Музафаров изҳори хушнудӣ намуда, мавсуфро бо ҳимояи бомуваффақияти рисолаи номзадӣ тибрику муборакбод намуда, ба ӯ дар корҳои илмию эҷодӣ ва ҳаётию касбиаш бурдбориҳо таманно дорад. 

Шуъбаи ташкилӣ-илмӣ ва табъу нашр