Кормандони самти мубориза бар зидди гардиши ғайриқонунии маводи мухаддир курси такмили ихтисосро хатм намуданд

Аз санаи 18-уми ноябр то 18-уми декабри соли 2019, дар заминаи кафедраи такмили ихтисоси факултети №3 Академияи ВКД Ҷумҳурии Тоҷикистон, кормандони самти фаъолияти Раёсати мубориза бар зидди гардиши ғайриқонунии маводи мухаддир ба дарс ҷалб гардиданд.

Баъд аз хатми курси якмоҳа санаи 18-уми декабри соли 2019 бо иштироки муовини аввали сардори Академияи ВКД Ҷумҳурии Тоҷикистон, генерал-майори милитсия Кабирзода Ҷ.Ҳ. маросими тантанавии супоридани сертификатҳо ба хатмкунандагони курси такмили ихтисос баргузор гардид.

Муовини аввали сардори Академияи ВКД Ҷумҳурии Тоҷикистон генерал-майори милитсия Кабирзода Ҷ.Ҳ. зимни супоридани сертификат хатмкунандагонро бо ин муносибат табрик гуфта, ба онҳо дар кори амалӣ ва фаъолияти хизматӣ комёбиҳо таманно намуд.
Ҳалимзода Д.Д.