Баланд бардоштани сатҳи суханварии шунавандагони такмили ихтисос

Дар асоси талаботи Вазири корҳои дохилӣ дар доираи баланд бардоштани маданияти суханварии кормандони мақомоти корҳои дохилӣ, мулоқоту вохӯрӣ бо ҷомеаи шаҳрвандӣ, дар амал татбиқ намудани Стратегияи ислоҳоти милитсия дар Академияи ВКД бо шунавандагони курсҳои такмили ихтисоси факултети №3 дар самти фаъолияти Раёсати мубориза бар зидди гардиши ғайриқонунии маводи мухаддир аз ҷониби Маркази матбуоти Академия дар мавзȳи «Тарзу услуби санъати суханварӣ ва муоширати баланди касбӣ бо шаҳрвандон» дар студияи телевизионии Академия муколама баргузор гардид.
Дар рафти муколама онҳо аз фаъолияти кории худ, роҳҳои баланд бардоштани самаранокии фаъолият, робита бо ҷомеаи шаҳрвандӣ ва дигар масоили муҳими фаъолияти милитсия иттилоъ доданд.

Боиси тазаккур аст, ки дар студияи телевизионии Академия мунтазам чунин вохӯриҳо ва суҳбатҳо дар атрофи масъалаҳои гуногун баргузор гардида, ба навор гирифта мешаванд. Ин имконият медиҳад, ки на танҳо фаъолияти Академия, балки дигар ҷузъу томҳои МКД инъикоси васеъи худро ёбад.
Асламов Б.С., Сафарова С.