Маросими хатми курсҳои такмили ихтисос дар самти фаъолияти таҳқиқ ва тафтишот

Аз санаи 11-уми сентябр то 10-уми октябри соли 2019, дар заминаи кафедраи такмили ихтисоси факултети №3 Академияи ВКД Ҷумҳурии Тоҷикистон, кормандони самти фаъолияти таҳқиқ ва тафтишот ба машғулияти дарсӣ фаро гирифта буданд.
Қайд кардан ба маврид аст, ки мувофиқи нақшаи тасдиқгардида, барои гузаронидани дарсҳо дар курси такмили ихтисос мутахассисони варзидаи соҳа дар ин самт ҷалб карда шуданд.
Рӯзи 10-уми октябри соли 2019 бо иштироки муовини сардори Академияи ВКД Ҷумҳурии Тоҷикистон оид ба илм, номзади илмҳои ҳуқуқ, дотсент, полковники милитсия Саидзода З.А. маросими тантанавии супоридани сертификатҳо ба хатмкунандагони курси такмили ихтисос баргузор гардид.
Муовини сардори Академияи ВКД Ҷумҳурии Тоҷикистон, номзади илмҳои ҳуқуқ, дотсент, полковники милитсия Саидзода З.А зимни супоридани сертификат хатмкунандагонро бо ин муносибат табрик гуфта, ба онҳо дар кори амалӣ комёбиҳо таманно намуд.

Ҳалимзода Д.Д.