Иштироки курсантони Академияи ВКД дар машқҳои тактикӣ-ҷангӣ

Дар партави дастуру супоришҳои Вазири корҳои дохилии Ҷумҳурии Тоҷикистон, д.и.ҳ., профессор, генерал - полковники милитсия Раҳимзода Рамазон Ҳамро, 29 июни соли равон, бо супориши сардори Академияи ВКД, н.и.ҳ., дотсент, генерал-майори милитсия Шарифзода Ф.Р. ҳайати роҳбарикунандаи  Академияи ВКД, муовини сардори Академияи ВКД, полковники милитсия Ализода А.Ш.,  сардори факултети 2, подполковники милитсия  Сафарзода  Ҳ.С., сардори кафедраи тактикаи махсус ва омодагии ҷисмонӣ, майори милитсия Латипов М.Л.,  160 нафар курсантони курси чоруми Академияро барои гузаронидани машқҳои тактикӣ-ҷангӣ ва кӯҳнавардӣ ба машқгоҳи таълимӣ-саҳроии «Мағоб» - и ВКД, ба дараи Ромити ш.Ваҳдат сафарбар намуданд.

Дар таълимгоҳи мазкур бо курсантони Академияи ВКД, кормандони Дастаи алоҳидаи таъиноти махсуси Раёсати қӯшунҳои дохилии ВКД полковники милитсия Давлат С.И., подполковники милитсия Абдусатторзода Ҳасан Абдусаттор ва майори милитсия Ҳакимов Абдусамад машқҳои тактикӣ-ҷангӣ гузарониданд.

Сафарзода Ҳ.С., Сафарова С. Н.