Тарбияи ҳарбӣ-ватандӯстии мактаббачагон дар Академияи ВКД

Тарбияи ҳарбӣ-ватандӯстии насли наврас яке аз вазифаҳои муҳими мактаб ва кормандони МКД ба ҳисоб меравад. Дар доираи иҷрои дастуру супоришҳои Вазири корҳои дохилӣ дар ҳамкории зич бо муассисаи таҳсилоти миёнаи умумии №68-и ноҳияи Исмоили Сомонии шаҳри Душанбе ва муассисаҳои таҳсилоти миёнаи №53-и ноҳияи Варзоб дар Академияи ВКД аз ҷониби омӯзгорони кафедраи омодагии ҷисмонӣ ва тактикаи махсус дарси амалӣ ва назариявӣ оиди аслиҳаи оташфишон, қоидаҳои бехатарии он, ба қисмҳо ҷудо намудани силоҳ ва тартиби тирпаронии лазерӣ гузаронида шуд.

Дар дарси мазкур хонандагон фаъолона ширкат варзида, роҳбарияти муссисаҳои таълимӣ ба роҳбарияти Академияи ВКД барои ташкили чунин чорабинии муфиди тарбиявӣ изҳори миннатдорӣ намуданд. Гузаронидани чунин чорабиниҳо барои тарбияи худшиносӣ ва ифтихори миллии хонандагон мусоидат менамояд.
Асламов Б., Сафарова С., Убайдуллоев Ш.