Унвонҷӯи Академияи ВКД Ҷумҳурии Тоҷикистон «номзади илмҳои ҳуқуқ» гардид

Рӯзи 6-уми июни соли 2019 дар Шӯрои диссертатсионии Д 203.002.06 Академияи идоракунии ВКД Россия (ш.Москва) зери роҳбарии доктори илмҳои ҳуқуқ, профессор, сарходими илмии (мутахассис) шуъбаи таҳқиқи проблемаҳои таърихи ВКД Россияи Маркази илмӣ-тадқиқотии Академияи идоракунии ВКД Россия Мулукаев Роланд Сергеевич - унвонҷӯи Академияи ВКД Ҷумҳурии Тоҷикистон, капитани милитсия Бобоназарзода Фарҳод Шарофидин диссертатсияи номзадии худро дар мавзӯи «Асосҳои конститутсионӣ-ҳуқуқии таъмин намудани ҳуқуқҳо ва озодиҳои шахсии инсон ва шаҳрванд аз ҷониби мақомоти корҳои дохилии Ҷумҳурии Тоҷикистон” (Конституционно-правовые основы обеспечения личных прав и свобод человека и гражданина органами внутренних дел Республики Таджикистан) (тахассус 12.00.02 – ҳуқуқи конститутсионӣ; мурофиаи судӣ-конститутсионӣ; ҳуқуқи мунисипалӣ) бо муваффақият ҳимоя намуд.

Бо қарори Шӯрои диссертатсиониии мазкур ба унвонҷӯ Бобоназарзода Ф.Ш. дараҷаи илмии «номзади илмҳои ҳуқуқ» дода шуд.
Ҳайати роҳбарикунанда, доимӣ ва тағйирёбандаи Академияи ВКД капитани милитсия Бобоназарзода Фарҳод Шарофидинро бо ин комёбӣ сидқан табрику таҳният гуфта, барояш бурдбориҳо ва фатҳи қуллаҳои боз ҳам баландтари илмиро таманно доранд.
Шуъбаи ташкилӣ-илмӣ ва табъу нашри Академияи ВКД