КАФЕДРАИ ФАНҲОИ ДАВЛАТӢ-ҲУҚУҚИИ ФАКУЛТЕТИ № 2 АКАДЕМИЯИ ВКД

Каримзода Умар Карим

Сардори кафедраи фанҳои давлатӣ-ҳуқуқӣ (2022)

Номзади илмҳои ҳуқуқшиносӣ (2020)

Подполковники милитсия (2019)

Аълочии маориф ва илми Тоҷикистон (2021)

Каримзода Умар Карим(19.02.1985, Ҷумҳурии Тоҷикистон, ш. Душанбе) соли 2006 факултети ҳуқуқшиносии Донишгоҳи давлатии миллии Тоҷикистонро бо ихтисоси «Ҳуқуқшиносӣ» хатм намудааст. Фаъолияти омӯзгории худро дар Академияи ВКД Ҷумҳурии Тоҷикистон аз соли 2008 оғоз намуда, то ба имрӯз дар вазифаҳои гуногун фаъолият намуда истодааст.

Соли 2017 ба факултети тайёр намудани кадрҳои илмӣ ва илмӣ–педагогии Академияи идоракунии ВКД Федератсияи Россия дохил шуда соли 2020 баъди хатми муаассаи таълимии мазкур, рисолаи номзадии худро дар мавзӯи «Асосҳои конститутсионии вазъи ҳуқуқии шаҳрвандони хориҷӣ дар Ҷумҳурии Тоҷикистон ва нақши мақомоти корҳои дохилӣ дар таъмин намудани он» аз рӯй иихтисоси 12.00.02 – ҳуқуқи конститутсионӣ; мурофиаи судии конститутсионӣ; ҳуқуқи мунитсипалӣ, бо муваффиқият ҳимоя намудааст.

Муаллифи 1 монография, 8 маводи таълимӣ, таълимӣ-методӣ ва зиёда аз 45 мақолаҳои илмӣ мебошад.

ТАЪРИХИ ТАЪСИСЁБӢ ВА ТАШАККУЛИ КАФЕДРАИ ФАНҲОИ ДАВЛАТӢ-ҲУҚУҚИИ ФАКУЛТЕТИ №2 АКАДЕМИЯИ ВКД ҶУМҲУРИИ ТОҶИКИСТОН

Кафедраи фанҳои давлатӣ-ҳуқуқии Академияи ВКД Ҷумҳурии Тоҷикистонсоли 1993 дар заминаи сикли фанҳои ҳуқуқӣ, ки соли 1970 ташкил дода шуда, ба сохтори Мактаби махсуси миёнаи милитсияи Душанбегии Вазорати корҳои дохилии Иттифоқи Ҷумҳуриҳои Шӯравии Сотсиалистӣ дохил мешуд, таъсис ёфтааст. Тӯли солҳои 1970-1992 дар кори таълимиву тарбиявӣ ва тайёр намудани мутахассисон барои мақомоти корҳои дохилӣ кормандони зерин саҳми арзандаи хешро гузоштаанд: Ахмедов Т.Н., Барсуков П.И., Безпалов Е.И., Бородин А.К., Газарян Л.В., Евдокимов В.П., Ермолаев А.А., Иванова З.А., Кайданова Е.Д., Кленаш Н.С., Красюков О.В., Кудрик А.Г., Лебесков В.К., Леков Ю.Н., Можейко С.В., Надеин С.В., Нищук А.С., Нуриева О.П., Рахмонов В.Р., Романова Н.А., Сериков Б.К., Строков С.Я., Ходжиматов Р.М., Шарипов К., Шипилова Р.Р., Шеглова Л.А. ва дигарон.

Роҳбарии сикли фанҳои ҳуқуқиро дар солҳои гуногун шахсони зерин ба уҳда доштанд: Пономаренко Владимир Александрович (1970-1975), Борисов Иван Иванович (1975-1987), Морозов Вадим Михайлович (1987-1988), Ящкин Михаил Иванович (1988-1991), Ким Евгений Петрович (1991-1992).

Нахустин сардори кафедраи фанҳои давлатӣ-ҳуқуқӣ, полковники милитсия Егошин Анатолий Викторович (1992-1993) буд. Аз соли 1993 то ба имруз шахсони зерин кафедраро роҳбарӣ карданд: Раҷабзода Р.М. - доктори илмҳои ҳуқуқшиносӣ, дотсент, полковники милитсия (1993-2008), Саидзода З.А. - номзади илмҳои ҳуқуқшиносӣ, дотсент, полковники милитсия (2008-2009), Одиназода А.Ш. - номзади илмҳои ҳуқуқшиносӣ, дотсент, полковники милитсия (2009-2014), Ғафурӣ М.С. - номзади илмҳои ҳуқуқшиносӣ, полковники милитсия (2014-2016), Каримов Ҳ.М. - номзади илмҳои ҳуқуқшиносӣ, майори милитсия (2016), Сафарзода Ҳ.С. - номзади илмҳои ҳуқуқшиносӣ, дотсент, полковник имилитсия (2016-2019), Бобоназарзода Ф.Ш. - номзади илмҳои ҳуқуқшиносӣ, майори милитсия (2019-2020), Заробидинзода С.З. - номзади илмҳои ҳуқуқшиносӣ, дотсент, подполковники милитсия (2020-2022) Каримзода У.К. - номзади илмҳои ҳуқуқшиносӣ, подполковники милитсия (2022 - то ин ҷониб).

Ҳамзамон бояд ёдовар шуд, ки баъди ташкилшавии Мактаби олии Душанбегии ВКД ҶумҳурииТоҷикистон моҳи декабри соли 1991 ва Академияи ВКД Ҷумҳурии Тоҷикистон моҳи декабри соли 2000 дар кафедраи фанҳои давлатӣ-ҳуқуқӣ кормандоне фаъолият намуданд, ки ба хотири комёбиҳо дар сохтори ташкилӣ, илмию тадқиқотӣ, методӣ ва ғайра саҳми хешро гузошта, барои ояндаи кафедра, заминаҳои лозимиро гузоштаанд, ба монанди: устодон Раҷабзода Р.М., Холиқов К.Н., Сафаров И.Д., Сайфуллоев Н.М., Сайфиддинов А.А., Акрамов М.А., Шарипов Б.У., Кавгаков Х., Каримов Д.Б., Одиназода А.Ш., Ғафурӣ М.С., Куджев Н.Х., Раҳимова Г.О., Хайруллоев Ф.С., Саидзода З.А., Юсуфзода А.Ҳ., Мансурзода А.М., Негматов Б.С., Зияев И.Ҳ., Ахмедова Л.Ф., Сафарзода Ҳ.С., Бобоназарзода Ф.Ш., Заробидинзода С.З., Абдулло А.Р., Маҳинаи Н. ва дигарон.

Устодони кафедраи фанҳои давлатӣ-ҳуқуқӣ дар шароити имрӯза ҳамаи он дастоварҳои илмӣ-тадқиқотӣ, методӣ ва амалии аз олимони пештар мерос мондаро дарк карда, ҳамавақт кӯшиш менамоянд, ки ба курсантону шунавандагон омӯзиши беҳтарро ба роҳ монда, ҷаҳонбиниашонро васеъ намоянд ва ба онҳо имконият фароҳам оранд, то ки гузашта, ҳозира ва ояндаи мақомоти корҳои дохилииТоҷикистонро ҳамчун қисми таркибии давлатӣ аз худ намоянд.

Кафедраи фанҳои давлатӣ-ҳуқуқӣ пайваста бо дигар муассисаҳои давлатӣ ва таълимӣ ҳамкорӣ менамояд. Инчунин, омӯзгорони кафедра дар хондани лексияҳо дар дастгоҳҳои марказии ВКД, РВКД, ШВКД шаҳру ноҳияҳо ҳамавақт иштирок менамоянд. Устодони кафедра барои такмили ихтисос ва гузаронидани дарсҳо дар дигар муассисаҳо ширкат варзида, алоқа ва робитаҳои зичро бо онҳо ба роҳ мондаанд. Аз он ҷумла, бо Вазорати корҳои дохилӣ ва ҷузъу томҳои он, Вазорати маориф ва илми Ҷумҳурии Тоҷикистон, Вазорати адлияи Ҷумҳурии Тоҷикистон, Донишгоҳи миллии Тоҷикистон, Донишгоҳи давлатии молия ва иқтисоди Тоҷикистон, Донишгоҳи Славянии Россия ва Тоҷикистон, кафедраи фанҳои давлатӣ-ҳуқуқии Академияи идоракунии Вазорати корҳои дохилии Федератсияи Россия ва ғайра. Қайд кардан ба мавридаст, ки устодони дар давраҳои гуногун дар кафедра фаъолият намуда, ба монанди: Сайфиддинов А.А., Саидзода З.А., Хайруллоев Ф.С., Сафарзода Ҳ.С., Одиназода А.Ш., Ғафурӣ М.С., Юсуфзода А.Ҳ., Мансурзода А.М., Бобоназарзода Ф.Ш., Каримзода У.К., Абдулло А.Р. бе восита дастпарварони Академияи идоракунии Вазорати корҳои дохилии Федератсияи Россия буда, рисолаҳои номзадии хешро дар индаргоҳи илмию маърифатӣ ҳимоя намудаанд.

Мақсади асосии фаъолияти ҳамаи кормандони кафедра пайваста тайёр намудани курсантону шунавандагон дар сатҳи баланд буда, доимо ҳаракат менамоянд, ки ба талаботи пешниҳод шудаи инихтисос ҷавобгӯ бошанд. Аз ин рӯ, роҳбарияти кафедра ҳамеша чораҳои зарурӣ меандешад, то ки ба кафедра кормандоне ба кор ҷалб карда шаванд, ки ба тамоми талаботи барои дар сатҳи зарурӣ омода намудани мутахассисони замони имрӯза ҷавобгӯ бошанд. Номзадон барои таъмин ба ҷойҳои кории холӣ дар кафедра асосан аз ҳисоби хатм кунандагони Академияи Вазорати корҳои дохилӣ, факултетҳои ҳуқуқшиносии мактабҳои олӣ, аспирантони муассисаҳои таълимӣ, инчунин аз ҳисоби кормандони болаёқати ҷузъу томҳои Вазорати корҳои дохилӣ интихоб карда мешаванд.

Кормандони кафедра дастовардҳои муосири омӯзгории мактабҳои олиро истифода намуда, бо мақсади бедор намудани ҳисси арзишҳои умуми инсонӣ дар соҳаи давлат ва ҳуқуқ, дар байни курсантон ва шунавандагон корҳои назаррасро ба анҷом расонида истодаанд. Ҳайати устодони кафедра барои иҷрои вазифаҳои дар назди онҳо гузошта шуда, аз қабили, таъмини қонуният ва ҳифзи ҳуқуқу озодиҳои шаҳрвандон, ҳамчунин ба курсантон ва шунавандагон додани донишҳо оид ба зарурати мавҷудият ва инкишофи ҳуқуқ ва давлат, асосҳои конститутсионии ташкил ва фаъолияти мақомоти корҳои дохилӣ, риоя намудани қонуният даркори ҳайати шахсӣ ва ғайраро дар фаъолияти ҳамарӯзаи худ самаранок истифода мебаранд. Ҳайати профессорону омӯзгорон ҳаракат менамоянд, ки бо асосҳои умуми назариявӣ ва амалии фаъолияти мақомоти ҳифзи ҳуқуқ алоқамандии зич дошта бошанд, инчунин ҷиҳатҳои фаъолияти мусбати мақомоти ҳифзи ҳуқуқи мамлакатҳои хориҷиро омӯхта, таҷрибаи бойи онҳоро ба курсантон барои дар фаъолияти ояндаашон истифода намудан меомӯзонанд.

Дар кафедра кори илмӣ-тадқиқотӣ фаъолона идома ёфта, аз рӯи кори илмии кафедра дар мавзӯи «Шуур ва маданияти ҳуқуқии кормандони МКД Ҷумҳурии Тоҷикистон: масъалаҳои мубрами назария ва амалия», кибарои 5 сол (2021-2025) муайян шудааст, тадқиқотро давом дода истодаанд. Ба ғайр аз корҳои илмии нақшаи асосии фаъолияти илмӣ-тадқиқотии Академия, инчунин кормандони кафедра корҳои бисёри илмӣ-тадқиқотии ғайри нақшавиро низ бурда истодаанд.

Яке аз самтҳои муҳимми фаъолияти ҳайати профессорону омӯзгорони кафедра ин ҷустуҷӯи мунтазами шаклу усулҳои наву натиҷа овари таълимӣ, истифодаи технологияи пешқадам дар раванди таълим, алоқаманд намудани донишҳои назариявӣ ва амалӣ, коркарди воситаҳои нави технологии раванди таълим, мутобиқ намудани раванди таълим ба навидҳои ҷомеа мебошад.

Ҳайати профессорону омӯзгорони кафедраи фанҳои давлатӣ-ҳуқуқӣ таълимро дар факултетҳои № 2, № 3, №5 ва №6-уми Академияазрӯи 11 фанҳои таълимӣ таъмин менамоянд.

Дар кафедраи фанҳои давлатӣ-ҳуқуқӣ чунин фанҳои таълимӣ омӯхта мешуданд: назарияи давлатва ҳуқуқ, таърихи давлатва ҳуқуқи Тоҷикистон, таърихи давлат ва ҳуқуқи мамлакатҳои хориҷӣ, ҳуқуқи конститутсионии Ҷумҳурии Тоҷикистон, ҳуқуқи конститутсионии мамлакатҳои хориҷӣ, ҳуқуқи байналмилалӣ, ҳуқуқи инсон, таърихи таълимотоидба ҳуқуқ вадавлат, проблемаҳои назарияи давлат ва ҳуқуқ, ҳуқуқ, ҳуқуқи исломӣ.

Айни замон дар воҳиди штатии кафедра шахсони зерин кор вафаъолият мекунанд:

Каримзода У.К. - сардори кафедра, номзади илмҳои ҳуқуқшиносӣ, подполковники милитсия;

Солеҳзода Ф.Ф. - дотсенти кафедра, подполковники милитсия;

Қодирзода Ғ.Н. - муаллими калони кафедра, майори милитсия;

Пулодӣ Ф.Ю. - муаллими калони кафедра, майори милитсия;

Ҷалолзода С.И. - муаллими калони кафедра, капитани милитсия;

Фахридинзода Ҳ.С. - муаллими кафедра, капитани милитсия;

Иброҳимзода Д.Қ. - муаллими кафедра, капитани милитсия;

Маҳмадзода З. - муаллими кафедра, капитани милитсия;

Қурбонзода Ҷ.Ғ. - сардори кабинети кафедра, майори милитсия.

Дар кафедра ҳамчунин ҷамъияти илмии курсантон «Давлатшиноси ҷавон» амалмекунад, ки ҳамасола зиёда аз 20 нафар аъзои доимӣ дошта, дар он зиёда аз даҳҳо маърӯзаҳои илмии курсантон мавриди муҳокима қарор дода мешавад.

Ҳангоми мавҷудияти кафедра аз ҷониби кормандони он асоси донишҳои зарурии касбӣ, малакаю таҷриба, навгониҳои фаъолияти мақомоти ҳифзи ҳуқуқ ба ҳазорон курсантон, шунавандагон ва кормандони амалияи мақомоти корҳои дохилӣ омӯзонида шудааст. Садҳо корҳои методӣ, барномаҳо, пешниҳоду дархостҳо ба лоиҳаҳои қонунҳо дар соҳаҳои гуногуни хоҷагии халқ омода шудаанд. Даҳҳо корҳои илмӣ гузаронида шудааст, ки натиҷаҳои онҳо дар фаъолияти мақомоти корҳои дохилӣ бо муваффақият истифода мешаванд.

Айни замон дар кафедраи фанҳоидавлатӣ-ҳуқуқӣ коллективихубимеҳнатӣ ташаккулёфтааст, кидороиякфазоимусбатикорӣ буда, вазифаҳои хизматии хешро софдилона иҷро менамоянд. Ҳайати устодони кафедра дар иҷрои фармону супоришҳои Президент, Ҳукумати Ҷумҳурии Тоҷикистон, Вазорати корҳои дохилӣ ва роҳбарияти Академия фаъолнокии худро нишондода, баҳри иҷрои саривақтии онҳо тамоми донишу малакаи худро сарф менамоянд. Ҳайати устодони кафедра вазифаҳои хизматии худро босалоҳияти касбӣ ва эҳсоси баланди ватандӯстиву ватанпарварӣ иҷро намуда истодаанд.