ФАКУЛТЕТИ №5 АКАДЕМИЯИ ВАЗОРАТИ КОРҲОИ ДОХИЛИИ ҶУМҲУРИИ ТОҶИКИСТОН

Ҳодисаҳои табиӣ ва техногении замони имрӯза ба хоҷагии халқи мамлакат хисороти зиёд ворид намуд ва набудани кадрҳои баландихтисос дар соҳаҳои сӯхторнишонӣ ва ҳифз дар ҳолатҳои фавқулодда Ҳукумати Ҷумҳурии Тоҷикистонро водор намуд, ки роҳи ҳалли ин масъаларо аз имкониятҳои дохилии ҷумҳурӣҷустуҷӯ намояд. Бинобар ин, тибқи Протоколи маҷлиси Ҳукумати Ҷумҳурии Тоҷикистон аз 25-26 январи соли 2008 таҳти №3 ва банди 12 қарори Ҳукумати Ҷумҳурии Тоҷикистон аз 5 феврали соли 2008 таҳти № 56 аз соли хониши 2009-2010 дар Академияи ВКД Ҷумҳурии Тоҷикистон тарбияи кадрҳои соҳаҳои сӯхторнишонӣ ва бартарафсозии ҳолатҳои фавқулодда бо тарзи таҳсили рӯзона ба роҳ монда шуд. Барои ташкили раванди таълим дар ин ихтисосҳо бо фармони Вазорати корҳои дохилии Ҷумҳурии Тоҷикистон таҳти №680 б/з аз 27 августи соли 2010 дар сохтори Академияи ВКД Ҷумҳурии Тоҷикистон факултети №5 ташкил карда шуд.

Айни ҳол дар панҷ курси факултети №5 ҷамъ 128- нафар курсантон таҳсил менамоянд.

Дар факултети №5 айни замон 17 нафар кормандони доимӣ фаъолият доранд:

Шарофзода Фирӯз Алиҷон- сардори факултети №5 Академияи ВКД Ҷумҳурии Тоҷикистон, аълочии ВКД Ҷумҳурии Тоҷикистон,  аълочии СХДО ВКД Ҷумҳурии Тоҷикистон, номзади илмҳои техникӣ,  майори милитсия.

Шерзода Гулракат  – муаллим методисти қисми таълимии факултети №5, майори   милитсия;

Аскарзода Исфандиёр - сардори курси факултети №5, лейтенанти калони милитсия;

Ғайратзода Давлатшо - мувини сардори курси факултети №5, капитанм милитсия.

Самтҳои фаъолияти факултети №5 асосан тайёр намудани мутахассисони соҳаҳои сӯхторнишонӣ ва бартарафсозии ҳолатҳои фавқулодда дар шакли таҳсили рӯзона мебошад. Мӯҳлати таҳсили курсантон дар факултети №5 Академияи ВКД 5 сол аст. Баъди анҷоми таҳсил ба хатмкунандагон дипломи намунаи давлатӣ дар бораи маълумоти олӣ, тахассуси «Муҳандис», инчунин унвони махсуси лейтенант дода шуда, барои давом додани хизмат ба сохторҳои мақомоти Сарраёсати хадамоти давлатии оташнишонии ВКД ва Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон фиристонида мешаванд. Тартиби интихоб ва қабули курсантон ба таҳсили рӯзона, тақсимот ва таъйини онҳо ба вазифаҳои мухталиф баъди хатми таҳсил аз ҷониби ВКД ва КҲФ ва МГ, тибқи қоидаҳои интихоб ва қабул ба Академияи ВКД Ҷумҳурии Тоҷикистон ва тибқи Низомномаи адои хизмат муайян карда мешаванд. Озмоишҳои дохилшавӣ дар факултети №5 аз фанни тайёрии ҷисмонӣ дар шакли анъанавӣ ва аз фанни забони тоҷикӣ ва адабиёт хаттӣқабул карда мешаванд. Аз фанҳои математика, физика ва химия бошад, озмоишҳо дар шакли тестӣ аз ҷониби Маркази ягонаи тестии Академияи ВКД Ҷумҳурии Тоҷикистон сурат мегирад. Оид ба масъалаи тайёр намудани ҳуҷҷатҳо барои дохилшавӣ ба ихтисосҳои факултети №5 Академияи ВКД Ҷумҳурии Тоҷикистон ба шуъбаи кадрҳои ҷузъу томҳои СХДО ва КҲФваМГ дар ҷойҳои истиқомат муроҷиат намудан лозим аст. Дар давраи таҳсил дар Академия курсантон ҳам ройгон ва шартномавӣ бо сару либоси ҳарбӣ, хӯроки гарм ва таъминоти пулӣ тибқи меъёрҳои амалкунанда таъмин карда мешаванд. Курсантони ба факултети №5 дохилшуда дар хобгоҳи Академия истиқомат мекунанд. Ба курсантони таҳсили рӯзона ҳамаи имтиёзҳое, ки дар «Низомномаи адои хизмат аз тарафи ҳайати қаторӣ ва роҳбарикунандаи мақомоти корҳои дохилии Ҷумҳурии Тоҷикистон» пешбинӣ шудааст, паҳн мегардад. Барои курсантон шароитҳои хуби зиндагӣ, хӯроки доимӣ, шароити хуби таълимӣ, ва фарҳангӣ фароҳам оварда шудааст. Робитаҳои берунаи факултети №5-ро асосан бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Вазорати ҳолатҳои фавқулодда ва мудофиаи граждании далати Белорусия, Дерексияи сохтмонии президенти Ҷумҳурии Тоҷикистон Сарраёсати хадамоти давлатии оташнишонии ВКД Ҷумҳурии Тоҷикистон, Донишгоҳи техникии Тоҷикистон ба номи М.С.Осимӣ, кафедраҳои химия ва физикаи Донишгоҳи миллии Тоҷикистон ва дигар муассисаҳои таълимӣ дидан мумкин аст.