ФАКУЛТЕТИ № 6 АКАДЕМИЯИ ВКД ҶУМҲУРИИ ТОҶИКИСТОН

Сардори факултети №6 подполковники милитсия Амрудинзода Муҳридин Амрудин, мебошад. Миллаташ тоҷик, маълумоташ олии ҳуқуқӣ. Соли 2005 ба факултети №2 Академияи ВКД Ҷумҳурии Тоҷикистон дохил шуда, соли 2009 факултети мазкурро бо ихтисоси “ҳуқуқшинос” хатм намудаст. Хизмат дар мақомоти корҳои дохилӣ: Аз моҳи сентябри соли 2005 то моҳи июни соли 2009 курсанти Академияи ВКД Ҷумҳурии Тоҷикистон. Аз моҳи июни соли 2009 то моҳи сентябри соли 2012 омӯзгори кафедраи ҳуқуқи маъмурӣ ва фаъолияти маъмурии МКД факултети №2 Академияи ВКД. Аз моҳи сентябри соли 2012 то моҳи июни 2015 адъюнкти Академияи идоракунии ВКД Федератсияи Россия. Аз моҳи июни соли 2015 то моҳи сентябри соли 2015 дотсенти кафедраи ташкили идоракунӣ дар МКД факултети №1 Академияи ВКД Ҷумҳурии Тоҷикистон кор ва фаъолият намудааст. Аз моҳи сентябри соли 2015 то соли 2018 сардори кафедраи ҳуқуқи ҷиноятӣ, криминология ва психологияи факултети №2 Академияи ВКД Ҷумҳурии Тоҷикистон. Аз моҳи феврали соли 2018 ба ҳайси сардори факултети №3 Академияи ВКД Ҷумҳурии Тоҷикистон таъин гардида, то мохи августи соли 2022 адои вазифа намуд. Аз 26 августи соли 2022 то инҷониб сардори факултети №6 Академияи ВКД Ҷумҳурии Тоҷикистон.

Таърихи факултети №6

Факултети №6 дар асоси фармони ВКД Ҷумҳурии Тоҷикстон аз 19.07.2017 бо мақсади тайёр кардани кадрҳои оперативӣ барои мақомоти ҳифзи ҳуқуқ бо ихтисоси «Ҳуқуқшинос» дар самти фаъолияти оперативӣ-ҷустуҷӯӣ таъсис дода шудааст. Дар факултети мазкур ду кафедра фаъолият дорад: кафедраи Ташкили тактикаи фаъолияти оперативӣ-ҷустуҷӯӣ ва кафедраи Пешгирии ҷиноятҳои террористӣ ва таъмини бехатарии ҷамъиятӣ. Бо ташаббуси бевоситаи вазири корҳои дохилии Ҷумҳурии Тоҷикистон генерал-полковники милитсия, муҳтарам Раҳимзода Рамазон Ҳамро, дар Академия барои факултети №6 бинои алоҳидаи замонавӣ сохта ба истифода дода шуд, ки 22 ноябри соли 2019 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон дар фазои тантанавӣ ифтитоҳ гардид. Бинои мазкур аз панҷ ошёна иборат буда, синфхонаҳо ва утоқҳои корӣ бо таҷҳизоти замони муосир муҷаҳҳаз карда шудааст.

Айни замон роҳбарии факултети №6-ро полковники милитсия Нозирӣ Нақиб Алӣ ба уҳда дорад, муовини сардори факултет полковники милитсия Одилзода Холмаҳмад Алӣ, сардори қисми таълимӣ, подполковники милитсия Умарзода Саиднеъматулло Нуралӣ, муаллим-методисти калон капитани милитсия Бобозода Нилуфар Хушназар, сардори курс лейтенанти милитсия Аскарзода Исфандиёр, муовини сардори курс капитани милитсия Камолзода Наҷибулло Қаюм.

Сардори кафедраи Ташкили тактикаи фаъолияти оперативӣ-ҷустуҷӯӣ подполковники милитсия Аҳтамшозода Саидмуҳаммад Аҳтамшо, дотсенти кафедра подполковники милитсия Ҳайдарзода Зафар Пирмаҳмад, муаллимони калон полковники милитсия Сатторзода Баҳрулло Бобомурод ва подполковники милитсия Ҳасанзода Наврӯз Эгам, муаллимон лейтенанти калони милитсия Алимзода Достон Алим ва лейтенанти калони милитсия Раҷабалиён Абдулхаким Раҷабалӣ, сардори кабинет лейтенанти калони милитсия Зарифзода Баҳром Муллообид.
Сардори кафедраи Пешгирии ҷиноятҳои террористӣ ва таъмини бехатарии ҷамъиятӣ полковники милитсия Тоҷиддинзода Наҷмиддин Тоҷиддин, дотсенти кафедра подполковники милитсия Ёрзода Назрихуҷа Ҳабибулло, муаллими калон капитани милитсия Вализода Сафархон Амир, муаллим лейтенанти калони милитсия Сафарализода Шералӣ Сафаралӣ, сардори кабинет лейтенанти милитсия Айнуддинзода Шамида Айнуддин, корманд-мутахассис Қосимов Парвиз Нуралиевич.