Курсҳои такмили ихтисос дар Академияи ВКД

Яке аз вазифаҳои асосие, ки дар назди Академия ВКД Ҷумҳурии Тоҷикистон меистад ин омода намудани кадрҳои баландихтисос барои мақомоти корҳои дохилӣ ба ҳисоб меравад. Айни замон дар факултети №3 Академияи ВКД Ҷумҳурии Тоҷикистон тибқи нақшаи тасдиқгардидаи Вазири корҳои дохилии Ҷумҳурии Тоҷикистон, генерал-полковники милитсия Раҳимзода Рамазон Ҳамро бо мақсади баланд бардоштани малакаи касбии кормандони мақомоти корҳои дохилӣ курси такмили ихтисос дар самти амалияи маъмурӣ бо кормандони амалии ҷузъу томи Раёсати ҳифзи тартиботи ҷамъиятии мақомоти корҳои дохилии Ҷумҳурии Тоҷикистон баргузор гардида истодаанд.

Дар навбати худ бо дастуру супориши сардори Академияи ВКД Ҷумҳурии Тоҷикистон доктори илмҳои ҳуқуқ, дотсент, генерал-майори милитсия Шарифзода Файзалӣ Раҳмоналӣ дарсҳои таълимии курси такмили ихтисос дар сатҳи баланди касбӣ аз тарафи роҳбарони Раёсатҳои ВКД, олимони Академия ва дигар омӯзгорони пуртаҷрибаи кафедраҳои тахассусӣ дар синфхонаҳои махсус муҷаҳҳаз бо воситаҳои аёнии таълимӣ гузаронида шуда истодаанд.

Вобаста ба такмили донишҳои оперативӣ 18-уми январи соли равон аз ҷониби сардори Раёсати таҳқиқи ВКД Ҷумҳурии Тоҷикистон полковники милитсия Сафарзода Эмомалӣ Сафар дар мавзӯи “Фаъолияти амалияи маъмурӣ дар МКД ва ба расмиятдарории мурофиавии ҳолатҳои ҳуқуқвайронкунии маъмурӣ” ба шунавандагон дарс гузаронида шуд.

Роҳбарияти Академия ва ҳайати профессорону омӯзгорон дастуру супоришҳои роҳбарияти мақомоти болоиро сармашқи фаъолияти хеш қарор дода, барои дар сатҳи баланд ба роҳ мондани сифати таълим тадбирҳои навро роҳандозӣ менамоянд.

Асламов Б.С., Сафарзода С.Н., Убайдуллоев Ш.Э.