Мулоқоти судманд бо устодону донишҷӯён

18 апрели соли 2024, мулоқоти сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, полковники милитсия Насуриён Пӯлод Асадулло бо ҳайати устодон ва донишҷӯёни Донишкадаи тарбияи ҷисмонӣ ва варзиши Тоҷикистон ба номи Саидмуъмин Раҳимов сурат гирифт.
Ҳадаф аз баргузории мулоқот иҷрои дастуру супоришҳои Пешвои муаззами милат муҳтарам Эмомалӣ Раҳмон аз 9 марти соли 2024 бо фаъолон, намояндагони ҷомеа ва ходимони дини кишвар мебошад.
Зимни мулоқот муҳтарам Насуриён Пӯлод Асадулло атрофи нуктаҳои муҳимтарини суханронии Пешвои муаззами миллат ибрози андеша намуда, далелу рақамҳои мушаххасро дар ин самт зикр д.
Қайд карда шуд, ки зуҳуроти номатлуби ҷомеа, алалхусус таассубу хурофот, тафриқаандозиву ифротгароии динӣ, гаравиши баъзан сокинони мамлакат ба созмонҳои террористиву экстремистӣ, таълими ғайриқонунии динӣ, бегонапарастӣ, зиёдаравиҳо ва дигар чунин омилҳо аз мушкилоте мебошанд, ки ислоҳи саривақтиро тақозо доранд.
Масъалаи худшиносиву худогоҳӣ, ифтихори миллӣ, эҳтиром гузоштан ба арзишҳои волои фарҳанги ниёгон ва чеҳраҳои илмиву адабии миллат, тақвияти ҷаҳонбинӣ ва маърифати ҳуқуқӣ, омили таҳкимбахши давлатдории миллӣ ва масоили калидӣ дар ҷодаи муқовимат бо чунин зуҳуроти номатлуби ҷомеа арзёбӣ карда шуд.
Ҳамзамон, дар вохӯрии мазкур, маърӯзаҳои профессорон ва омӯзгорони Академияи ВКД Ҷумҳурии Тоҷикистон, н.и.ҳ., дотсент, полковники милитсия Сафарзода Ҳ.С. ва подполковники милитсия Самиъзода Б.С., атрофи мавзӯъҳои «Сабабу омилҳои шомилшавии ҷавонон ба созмонҳои террористию экстремистӣ» ва «Таассуб ва хурофот таҳдид ба мафкураи миллӣ», шунида шуд.
Дар анҷоми вохӯрӣ сардори Академияи ВКД донишҷуёнро ба худшиносиву худогоҳӣ, ифтихори миллӣ, тақвияти маърифати ҳуқуқӣ, зиракии сиёсӣ, омӯзиши амиқи таъриху фарҳанги ниёгон ва ҳифзи манфиатҳои миллӣ даъват намуд.
Убайдуллоев Ш.Э.