Боздиди шунавандагони Академияи ВКД аз «Қалъаи Ҳисор»

Аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олии Ҷумҳурии Тоҷикистон соли 2018 ҳамчун «Соли рушди сайёҳӣ ва ҳунарҳои мардумӣ» эълон гардид, ки ҷиҳати рушду равнақ ёфтани ҳунарҳои мардумӣ ва соҳаи сайёҳӣ такони бузург бахшид. 

Вобаста ба иҷрои дастуру супоришҳои Пешвои миллат рӯзи 6-уми июли соли 2018 роҳбарият ва омӯзгорони факултети №3-и Академияи ВКД Ҷумҳурии Тоҷикистон бо ҳамроҳии шунавандагони курси 1-ум ба шаҳри Ҳисор сафар намуда, аз «Қалъаи Ҳисор» дидан намуданд.
Роҳбалади «Қалъаи Ҳисор» ба шунавандагон нақш ва муҳимияти ин осори таърихиро фаҳмонида, зикр кард, ки насли ҷавон бояд аз таъриху тамаддуни худ огоҳ бошад.
Дар рафти боздид аз ҷойҳои таърихӣ шунавандагон таассуроти хотирмон бардошта, руҳу илҳоми тоза гирифтанд.
Амрудинзода М.А., сардори факултети №3 Академияи ВКД.